छम्ह मनू सीगु घटनां देय्न्यंक तनाव

ब्रिटेनय् छम्ह ल्याय्म्ह मनू सीगु विषययात कयाः न्ह्याःगु हिंसां देय्न्यंक तनाव न्यंगु दु । दंगा न्ह्याःगु प्यन्हुया दिं नं राजधानी लण्डन, ब्रमिङ्घम, म्यान्चेष्टर लगायतया शहरय् प्रदर्शन व लुटपाट जूगु बीबीसीं जानकारी ब्यूगु दु ।

ब्रमिङ्घमया छगू तःधंगु गोदामय् प्रदर्शनकारीतय्सं मि तयाः बिइवं अन ल्वापु तकं जूगु खः । प्रदर्शनकारीतय्सं पसलय् तोडफोड, लुटपाट व मि तयाः ब्यूगु प्रहरीं जानकारी ब्यूगु दु ।

उखे थुगु हिंसाया बारे सहलह यायेत प्रधानमन्त्री डेबिड क्यामरुनं संसदया बैठक सःतीगु जूगु दु । वय्कलं लुटपाट व खुयाः कायेगुलिइ ल्हाःदुपिंत कडा सजाय बिइगु धासें थुकिया कुंख्यूगु दु ।

More Stories Like this