थज्याःम्ह नं प्रेमी

येँ (सन्ध्या टाइम्स)/यलया लेले स्थित जंगलय् छम्ह मिसा स्याना तःगु लूगु दु। रोजी महर्जनयात वया थः हे मतिनामि सुवास उप्रेतिं गोलीं कयेकाः स्याना थकूगु अनुमान प्रहरीं याःगु दु। कापुन्डोलय् च्वंम्ह महर्जनयात उप्रेतिं शुक्रवाः गोलीं कयेकाः स्याना थकूगु खः। प्रारम्भिक प्रहरी अनुसन्धान कथं सुवासं २१ दँया रोजीयात छ्यनय् हे गोलीं कयेकूगु खः। छुं ई न्ह्यः जक बेलायतं लिहां वःम्ह सुवासं फिरौतीया निंतिं महर्जनया अपहरण याःगु व प्रतिकार याःगुलिं वयात स्याना बिउगु खँ नं प्रहरीं धाःगु दु। प्रहरीं सुवासयात वकुन्हु हे ज्वनेधुंकूगु दु ।