भारतीय सैनिक टोली नेपालय्

येँ (झीगु स्वनिगः)

भारतीय सेनाया सैनिक समाचार महानिर्देशक लेपिmटनेन्ट जनरल डि.एस.ठाकुरया नेतृत्वय् छगू प्रतिनिधि मण्डल न्यान्हुया भ्रमणया भmवलय् मंगलवाः नेपाः थ्यंक वःगु दु । मंगलवाः सुथय् नेपाः थ्यंक वःगु भ्रमण टोलीं बुधवाः रक्षामन्त्री विष्णु पौडेल व रक्षा छ्याञ्जे नविनकुमार घिमिरे लिसे प्रधान सेनापति छत्रमानसिंह गुरुङयात नापलायेगु ज्याभवः दु । भारतीय सेनाया भ्रमण टोलीइ ठाकुरया जहान रमा ठाकुर, बि्रगेडियर सनल कुमार लिसे लेपिmटनेन्ट कर्नेल नविन कुमार लगायत दुगु खः । थ्वहे दथुइ, चीनियाा जनमुक्ति सेनाया ब्वनाय् चीन भ्रमणय् वंगु नेपाली सेनाया भ्रमण टोली मंगलवाः नेपाः देय् लिहांवःगु दु ।

नेपाली सेनाया ब्यवस्था लिसे युद्धकार्य महानिर्देशक उपरथी दमनबहादुर घलेया नेतृत्वय् न्ह्यम्ह दुजः दुगु टोली न्यान्हुया भ्रमण पूवंका मंगलवाः स्वदेश लिहांवःगु खः । भ्रमणया भmवलय् टोलीं ल्हासास्थित तिब्बत मिलिटरी कमाण्ड व चेण्डुस्थित चेण्डु मिलिटरी कमाण्डया अवलोकन यायेगुया लिसलिसे चीनिया जनमुक्ति सेनाया उच्च पदस्थ अधिकारीतलिसे नापलाःगु सैनिक जनसम्पर्क निर्देशनालयं जानकारी ब्यूगु खः ।