म्हिगः विश्व आदिवासी दिवस हन
येँ (झीगु स्वनिगः)
आदिवासीतय्सं थःगु संस्कृतिया ढााचाकथं थःगु भविष्य थःम्हं हे निर्माण याये धइगु नारालिसे झिंन्ह्यक्वःगु विश्व आदिवासी दिवस मंगलवाः नेपालय् नं थीथी ज्याभवःलिसे हंगु दु । दिवसया लसताय् येाय् सांस्कृतिक झाकीलिसेया र्याली नापं पिकाःगु खः ।
नेपाल आदिवासी जनजाति महासङघ, राष्ट्रिय आदिवासी जनजाति महिला मञ्च, नेपाल आदिवासी जनजाति पत्रकार सङघ, नेपाल आदिवासी जनजाति महासङघ लगायतया दर्जनौं आदिवासी सङघ संस्थाया मंकाः ग्वसालय् पिकाःगु उगु र्याली राष्ट्रिय सभागृहपाखें न्ह्यानाः भद्रकाली, शहीदगेट, न्हू सतक, रत्नपार्क जुयाः हाकनं राष्ट्रिय सभागृहलय् वयाः क्वचाःगु खः ।
र्यालीइ थीथी जातजातिपाखें ब्वति दुगुलिं ब्यागलं ब्यागलं जातिया म्हसीका व संस्कृति पिज्वइगु वसःत पुनाः, बाजा, झााकी लगायतया विषयवस्तुया नं प्रदर्शन याःगु खः । नेपाल आदिवासी जनजाति महासङघया नायः राजकुमार लेखीं जनजाति आदिवासीया मुद्दायात सरकारं म्हो महत्व ब्यूगुलिं न्हूगु दयेकीगु संविधानय् आदिवासीया हकअधिकार सुनिश्चित यायेमाःगु जानकारी ब्यूगु खः । संयुक्त राष्ट्र सङघया इनापय् प्रत्येक दा अगष्ट ९ सं विश्व आदिवासी दिवस हनाः वयाच्वंगु खः । थ्वहे दथुइ प्रधानमन्त्री झलनाथ खनाल, सभामुख सुवास नेम्वाङ लिसे थीथी दलया नेतातय्सं विश्व आदिवासी दिवसया लसताय् देय्दुने व प्रवासय् दुपिं फुक्क आदिवासी जनजातितय्त भिंतुना देछायादीगु खः ।
