जागरण मञ्चया दुजः मुना
येँ (सन्ध्या टाइम्स)/नेवाः जागरण मञ्चं वंगु शनिवाः मञ्चया दुजः मुना ज्याझ्वः यात। मञ्चया संयोजक सुजीव बज्राचार्यया सभापतित्वय् जूगु उगु ज्याझ्वलय् सल्लाहकार लक्ष्मण राजवंशी व डा. महेशमान श्रेष्ठ मूपाहांकथं झाःगु खः ।
ज्याझ्वलय् संयोजक बज्राचार्यं नेवाः जागरण मञ्चया ज्याखँ व थुकिया अवधारणा लिसें मञ्चं याना वयाच्वंगु ज्याखँयात कयाः दुजः मुना विज्ञप्ति ब्वनाः न्यंकादीगु खः। अथेहे मञ्चय् आवद्ध दुजःपिनि बिचाः कायेत नेवाः आन्दोलन, नेपालभाषा अले नेवाः स्वायत्त राज्यसम्बन्धी थीथी न्ह्यसःया लिसः नं कायेगु ज्या याःगु खः ।
निसलं मल्याक दुजःत दुथ्याःगु उगु मुनाय् सल्लाहकार लक्ष्मण राजवंशीं नेवाःतय्त अझ नं लिउने लानाच्वंगु दु, नेवाःत न्ह्यःने वनेगु नितिं राजनीतिक सचेतना मदयेक मगाः धयादिल। दांभरि अमृत ताम्रकारं लसकुस यानादीगु उगु ज्याझ्वलय् राजेश्वर स्थापितं सुभाय् बियादीगु खः। मञ्चया न्हापांगु तःमुँज्या भाद्र ३ गते येँय् यायेगु ग्वसाः दु ।
