लुँ तोलां खुसः पाः बागू लाख !
येँ (सन्ध्या टाइम्स)/छुं न्हि न्ह्यवंनिसें थहां वनाच्वंगु लुँयागु भाः थ्वहे वाःया दुने तोलां बागू लाख थ्यनीगु सम्भावना अप्वया वःगु दु। बजारय् थौं लुँया भाः तोलां ४९,४०० तका अर्थात खुसः पाः बागू लाख थ्यंगु दु। भाः थहां वनेगु क्रम अझ हे जारी जुयाच्वंगु कारणं थ्वहे वाःया दुने तोलां ५०,००० थ्यनीगु अनुमान लुँवहः व्यवसायीतय्सं याःगु दु। थौंकन्हय् लुँया भाः छन्हुया दुने हे तोलां द्वःछि तका धइथें थहां वनाच्वंगु दु। भाः थहां वंगुलिं थुगुसी तीज न्यायेकीपिंत तसकं मर्का जुइगु खने दयाच्वंगु दु ।
