सिरियाय् प्रदर्शनकारी विरुद्ध जुयाच्वंगु दमनया चिन्ता

सिरियाय् सरकार विरोधी प्रदर्शनकारी विरुद्ध जुयाच्वंगु दमनया अरब लीगं चिउताः प्वंकूसें याकनं कारबाही पनेत माग याःगु खः ।

नीनिगू दुजः राष्ट्र दुगु अरब लीगं िहंसा व दमन याकनं हे दिकेमाःगु जानकारी ब्यूगु खः । थ्व स्वयाः न्ह्यः अरब लीगं मध्यपूर्व व उत्तर अमेरिकी देशय् न्ह्यानाच्वंगु सरकार विरोधी आन्दोलनय् हस्तक्षॆपं आन्दोलनयात बढावा बिइगु मान्यता तयाः वयाच्वंगु खः । अरब लीगया सन्देश लिपा हे साउदी अरबं सिरियापाखें थः राजदूतयात लितः सःतूगु दु ।

टेलिभिजन सन्देशपाखें साउदी नरेश अब्दुल्लाहं सिरियाय् जुयाच्वंगु िहंसा अस्वीकार्य जूगु व अनया शासकयात ई न्ह्यः हे विवेक छ्यलेत इनाप याःगु खः ।

सिरियाय् न्ह्यानाच्वंगु आन्दोलनप्रति मौन जुयाः वयाच्वंगु साउदीया लिपांगु पलाःयात सिरियाली शासक विरुद्धया महत्वपूर्ण्र प्रतिकि्रया जूगु जानकारी ब्यूगु खः ।

अथेहे गल्फ को ओपरेशन काउन्सिलं नं सिरियाय् आपालं बल छ्यःगुलिइ कडा भत्स्रना याःगु दु । सिरियाय् वंगु मार्च थुखे जुयाच्वंगु सरकार विरोधी प्रदर्शन विरुद्ध अरब लीग व गल्फ को - ओपरेशन काउन्सिलं ब्यूगु सन्देशं राष्ट्रपति बशार अल असाद थप दवाबय् लाःगु विश्लेषण याःगु दु । सिरियाय् म्हीग जक च्यय्म्ह स्वयाः अप्वः प्रदर्शनकारी सरकारी सेनाया कारबाहीलय् सीधुंकूगु दु ।

More Stories Like this