नेवाः दबूया तःमुँज्या
येँ (सन्ध्या टाइम्स)/नेपाली कांग्रेसया नेवाः नेता कार्यकर्तातय्सं स्वनातःगु लोकतान्त्रिक नेवाः दबूया निक्वःगु तःमुँज्या थौं जुयाच्वंगु दु। थुगुसीया तःमुँज्यां विधान नं संशोधन याइगु खँ नायः गजेन्द्र मानन्धरं कनादीगु दु। वय्कलं तःमुँज्यां न्हूगु नेतृत्व ल्ययेगु नापं नेपाली कांग्रेस दुने नेवाः स्वायत्त राज्ययात राजधानी प्रदेश दयेकेगु धकाः जुयाच्वंगु सहलहयात आपत्ति प्वंकेगु खँ नं वय्कलं कनादिल। लोकतान्त्रिक नेवाः दबू नेवाः नेवाः स्वायत्त राज्य मंकाः संघर्ष समितिया छगू घटक खः ।
