निगः गाडी ल्वानाः छगू दर्जन घाःपाः

ख्वप (सन्ध्या टाइम्स)/ख्वपं भ्वँतपाखे वनाच्वंगु बा. १ ख ६७२१ नम्बरया यात्रुबाहक बस व भ्वँतं ख्वप वयाच्वंगु बा १ ज ९२५८ नम्बरया माइक्रोबस थवंथवय् ल्वानाः म्हिगः छगू दर्जन मनू घाःपाः जुल। गाडी ल्वानाः काच्याककुचुक जूगु बस दुने थानाच्वंपिं निम्ह घाइते यात्रु लिकायेत घण्टौं लगे जूगु खः। ध्वांग सः वयेवं धुफ्वः दंगु खःसा उकी तयाहःगु जाकि फुक्कं बँय् वाःगु खः। निम्ह तच्वकं घाःपाः जूपिंत भक्तपुर अस्पताल यंकाः अनं लिपा बीएनबी अस्पतालय् यंकूगु दु। निगलं बसयात प्रहरीं नियन्त्रणय् कायेधुंकूगु दु ।