लुँयागु भाः तोलां ४७,५०० तका थ्यन

येँ (सन्ध्या टाइम्स)/छुं न्हि न्ह्यवंनिसें थहां वनाच्वंगु लुँयागु भाः थौं सुथय् अझ थहां वनाः तोलां ४७,५०० तका कायम जूगु दु। अन्तर्राष्ट्रिय बजारय् थ्व भाः अझ थहां वनेधुंकूगु दुसा थौं न्हिनय् नेपाःया बजारय् नं तोलां मेगु ५०० तका थहां वनीगु सम्भावना दुगु खँ नेपाल सुनचाँदी व्यवसायी संघं धाःगु दु। भाः तसकं थहां वनाः बजाः चले यायेत हे थाकुया वःगुलिं येँया स्थानीय व्यवसायीतय् दथुइ हे कचवं पिहां वःगु खँ धाःगु दु। भाः थहां वनाः बजाः तसकं प्रभावित जुयाच्वंगु दु ।