एनओएपाखें सुभाय् देछा
नेवाः अर्गनाइजेशन अफ अमेरिका (एनओए)या ग्वसालय् वंगु जुलाई २४ तारिखखुन्हु सं.रा. अमेरिकाया पोटोम्याक भरेजिनियाय् जूगु मंकाः कय्तापुजा तःजिक क्वचाःगुलिं सकसितं सुभाय् देछाःगु दु । एनओएपाखें ग्वसाः ग्वःगु थ्व निक्वःगु कय्तापुजा खः ।
गुम्हसिया कय्तापुजाय् निसः मल्याक पाहांपिं सहभागी जूगु ज्याझ्वः नेवाः पुरोहित वासव राजोपाध्यायपाखें सम्पन्न जूगु खः । अर्नगाइजेशनया नायः सिजन श्रेष्ठं लसकुस यानाः न्ह्याःगु ज्याझ्वलय् कय्तापुजाया संयोजक मय्जु मीना प्रधान, एनओएया न्हापाया नायः वेद प्रधान, मय्जु विद्या प्रधान प्रधान, राजेश श्रेष्ठ, रोहिनी श्रेष्ठ, पुरोहित वासव राजोपाध्यायपिन्त सुभाय् बियादिल । अथेहे वय्कलं ज्याझ्वःया लाइभ भिडियो प्रशारणया ग्वहालिया लागि नेपालमण्डल डटकमया सुभाष प्रजापति, ग्लोबलनेपालया गौतम दाहाल व नीरजमान श्रेष्ठयात विशेष सुभाय् बियादिल ।
अर्गनाइजेशनया नायः श्रेष्ठं ज्याझ्वलय् ग्वहालि यानादीपिं सकलें स्वयम सेवकपिन्त नं दुनुगलं सुभाय् देछानादीगु दु ।
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
