द्यःला त्वालय् धिमे स्यनेत न्यय्द्वः
किपू (सन्ध्या टाइम्स)/किपूया द्यःला त्वालय् धिमे बाजं स्यनेगु नितिं नेपाः राष्ट्रिय पार्टीया सांसद् बुद्ध साय्मिं म्हिगः छगू ज्याझ्वःया दथुइ न्यय्द्वः तका लःल्हानादिल ।
ध्वाखासिया द्यःलातय्सं थःपिनि नं सांस्कृतिक म्हसीका दयेकेत धिमे बाजं स्यनेमाल धकाः तायेकूगुलिं सभासद् साय्मिं उगु आर्थिक ग्वाहालि यानादीगु खः। द्यःला धिमे बाजं खलः व द्यःला बाल बचत समूहया ग्वसालय् जूगु उगु ज्याझ्वलय् नेपाः राष्ट्रिय पार्टीया अध्यक्ष डा. केशवमान शाक्य, उपाध्यक्ष नरेशवीर शाक्य, किपू नगरकमिटीया नायः कृष्णहरी महर्जन, नेवाः स्वायत्त राज्य मंकाः परिषद् किपूया नायः पुचःया कजि पञ्चलाल महर्जन नापं मेमेपिंसं न्ववानादीगु खः ।
ज्याझ्वलय् थुगुसी एसएलसी पास जूपिं स्वनिगःया द्यःलातय्त हनापौ नं लःल्हाःगु खः ।
