प्रम म्हं मफयाः बैठक स्थगित

येँ (सन्ध्या टाइम्स)/माओवादी सेना समायोजनया विषययात कयाः थौं च्वनेगु धयातःगु सेना समायोजन विशेष समितिया बैठक स्थगित जूगु दु। सेना समायोजन विशेष समितिया अध्यक्ष प्रधानमन्त्री झलनाथ खनाल म्हं मफुगुलिं बैठक स्थागित जूगु खः। खनाल सः सुयाः म्हं मफयाच्वंगु खँ धाःगु दु। उखे एकीकृत माओवादी स्थायी समितिया बैठक च्वनाः सेना समायोजन बारे सहलह ब्याकूगु दु। शान्ति प्रक्रियायात कयाः थ्व हे श्रावण २८ गतेया दुने ठोस पलाः ल्ह्वनेगु ज्या मजुल धाःसा प्रधानमन्त्रीं राजीनामा बीगु धकाः घोषणा यायेधुंकूगु अवस्थाय् छु गुज्वःगु भूमिका म्हितेगु धइगु विषयसं सहलह ब्याकेत माओवादीया बैठक च्वनाच्वंगु खः। बैठकय् पार्टीया नेतातय्गु जिम्मेवारीया बारे नं सहलह जुइ धाःगु दु ।