नेवाः डेस्कयात छगूत्या लाख बजेट
येँ (सन्ध्या टाइम्स)/येँ महागरपालिकाया नकतिनि क्वचाःगु १८ क्वःगु नगर परिषदं महानगरपालिकाय् नेवाः डेस्क संचालन यायेगु नितिं माःगु कर्मचारी ब्यवस्था यायेत नेवाः स्वायत्त राज्य मंकाः संघर्ष समितियात छगूत्या लाख तका बजेट बीगु जूगु दु ।
वंगु असार ३१ गते शुरु जुयाः साउन १८ गते क्वचाःगु नगर परिषदं गुंला बाजं व धिमे बाजं कासा यायेगु, नेवाः बाजं स्यने कुथियात ३ लाख, नेवाः स्यनामि गुथि नेपाल मण्डल (स्कूलय् नेपालभाषा कक्षा संचालन)यात १५ लाख, नेवाः भाय् स्यनेकुथियात ५ लाख, नेपालभाषां पिहां वयाच्वंगु न्हिपौयात लय् ३ द्वः, वाःपौयात प्रत्येक अंकया नितिं न्यासः तकाः अनुदान बीगु निर्णय नं याःगु दु ।
२०६८/०६९या निंतिं महानगरपालिकां १ अरब ९० करोड तकाया बजेट दयेकूगु दु। अथे हे महागरपालिकाया दुनेया लागाय् लाःगु नेवाः वस्ती दुगु वडाय् वइपिं वडा सचिवतय्त नेवाः भाय् स्यनेगु योजना नं दयेकूगु दु ।
