किजां दाजु स्याना बिल

येँ (सन्ध्या टाइम्स)/ताप्लेजुङ्गया साँवाय् छम्ह मनुखं पां पालाः थःहे दाजुयात स्याना बिउगु दु। साँवा गाविस वडा नं. ९ लय् ५६ दँया चन्द्रमहावीर साँवा (लिम्बु)यात ४७ दँ दुम्ह थः हे किजा मुकुन्द सिंह साँवां वंगु चान्हय् पां पालाः स्याना बिउगु खः। उमि दथुइ न्हापांनिसें हे अंश सम्बन्धी विवाद जुया वयाच्वंगु खः। अथे खःसां म्हिगः धाःसा मस्त पिङ्ग म्हितेगु खँय् जूगु ल्वापुया झ्वलय् किजाम्हेस्यां दाजुयात पां पाला बिउगु खः। दाजुयात स्यानाः बिउम्ह साँवायात प्रहरीं ज्वनाः सदरमुकाम हयेधुंकूगु दु। उगु घटना जूगु थाय् सदरमुकामं ६ घण्टा न्यासि वनेमाः ।