संसदपाखें यिनलक न्हूम्ह प्रम निर्वाचित

यिनलक सिनावात्रा थाइल्याण्डया न्हूम्ह प्रधानमन्त्री कथं संसदं निर्वाचित जुयादीगु दु । थाइल्याण्डया संसदं प्रधानमन्त्री निर्वाचित जुयादीम्ह वय्कः न्हापाम्ह मिसा प्रधानमन्त्री खः ।

थाइल्याण्डय् वंगु महिना जूगु निर्वाचनय् सिनावात्राया फ्यु थाइ पार्टीं स्पष्ट बहुमत हयेवं वय्कःया प्रधानमन्त्री जुइगु लँपु खुल्ला जूगु खः । सिनावात्राया पार्टी व मेगू चिधंगु दल जनाः मंकाः कथं सरकार गठन यायेगु योजना दयेकाच्वनादीगु सिनावात्रा क्वयेया सदनय् आपलं मत हयाः प्रधानमन्त्री निर्वाचित जुयादीगु खः ।

थाइल्याण्डया पुलाम्ह प्रधानमन्त्री थाकसिन सिनावात्रया केँह यिनलकं संसदय् २९६ मत हःगु खः । ५०० सांसद दुगु उगु संसदय् जूगु मतदानय् यिनलकया विपक्षय् ३ मत जक कुतुवंगु खःसा सच्छि व ९७ सांसदत तटस्थ च्वंगु खः ।

न्यादँ न्ह्यः निसें राजनीतिक अस्थीरता ब्वनाच्वंगु थाइल्याण्डय् स्थीरता हयेगु हे ४४दँया प्रधानमन्त्री यिनकलया मू हाथ्या जुइगु खँ राजनीतिकर्मीतय्सं धाःगु दु ।

More Stories Like this