रम्सफेल्ड विरुद्ध मुद्धा न्ह्याकेत अदालतया अनुमति

पुलांम्ह अमेरीकी रक्षामन्त्री डोनाल्ड रम्सफेल्ड विरुद्ध मुद्धा न्ह्याकेत अमेरिकाया छगू अदालतं अनुमति बिउगु दु । इराकय् अमेरिकां याःगु हमलाया झ्वलय् बिउगु यातना सम्बन्धी मामिलायात कयाः तत्कालिन अमेरिकी राष्ट्रपति जर्ज डब्लु बुशया कार्यकालय् रक्षामन्त्री जुयादीम्ह रम्सफेल्ड विरुद्ध मुद्दा न्ह्याकेत अनुमति बिउगु खः ।

सन् २००३य् इराक युद्धया झ्वलय् इराकय् अमेरिकी सेनाया अनुवादक जुयाः ज्या यानाच्वम्ह छम्ह मनुखं कथित रुपं यातना बिउगु धासें रम्सफेल्डयाके मुआब्जा माग यासें अदालतयाके मुद्दा न्ह्याकेत अनुमति फ्वंगु खः । मुआब्जा माग याःम्ह मनुया नां धाःसा गोप्य तयातःगु दनि । उम्ह मनूया वकिलया कथं अमेरिकी नौसेनाया निंतिं ज्या यानाच्वंगु इलय् वयात अपहरण याना यंकाः छगू अमेरिकी सैनिक अड्डाय् गुला तक तयाः यातना बिउगु खः ।

More Stories Like this