आर्थिक संकलन यायेत सप्तविधानुत्तर पुजा

येँ (सन्ध्या टाइम्स)/सामुदायिक स्वास्थ्य सेवा परिषद्या नितँजाः दयेकेगु ज्या सम्पन्न यायेगु लागिं माःगु आर्थिक संकलन यायेत सप्तविधानुत्तर पुजा याइगु जूगु दु ।

उगु ज्याया लागिं सामुदायिक स्वास्थ्य सेवा परिषद् व स्वयम्भु सामुदायिक अध्ययन केन्द्रया मंकाः ग्वसालय् सप्तविधानुत्तर पुजा मूल समारोह समिति नं गठन याःगु दु। सेवा परिषद्या हे अध्यक्ष रत्ननारायण न्हूजवाः साय्मिया अध्यक्षताय् गठन याःगु उगु मूल समारोह समितिइ ३०१ म्ह दुजः दु। नकतिनि च्वंगु मूल समारोह समितिया बैठकं थीथी मनूतय् नेतृत्वय् थीथी झिगू उपसमितित नं नीस्वंगु खः। उकी छसिकथं आर्थिक संकलन उप समिति-श्रीराम श्रेष्ठ, पुजा व्यवस्थापन उपसमिति-शारदामुनि बज्राचार्य, स्वयंसेवक उपसमिति-राजा शाक्य, प्रचारप्रसार उपसमिति-प्रकाशकुमार श्रेष्ठ, सुरक्षा व्यवस्थापन उपसमिति-सुरेशकुमार डंगोल, खाद्य व्यवस्थापन उपसमिति-हिराकाजी महर्जन, सामान खरिद उपसमिति-दयामान शाही, प्रशासन उपसमिति-मुकुन्दप्रसाद पाण्डे, प्रसाद वितरण उपसमिति-गोमा खत्री व अतिथि सत्कार उपसमिति-हरिगोपाल श्रेष्ठ गठन याःगु खः। मूल समारोह समितिं थ्वहे वइगु भदौ ३ गते उगु पुजा याइगु ग्वसाः दु ।