कक्षा क्वथाय् हे निम्ह छात्रछात्रापाखें आत्महत्या
येँ (सन्ध्या टाइम्स)/पन्तिया काभ्रे उच्चमाविया कक्षा क्वथाय् हे निम्ह विद्यार्थीतय्सं आत्महत्या याःगु दु। सीपिं निम्हं उगु हे स्कूलया विद्यार्थीत खः। पन्ति नगरपालिका वडा नं. ८ या २२ दँ दुम्ह सरोज थापा व उगु हे स्कूलया ११ कक्षाय् ब्वनाच्वंम्ह आस्था गुलुयात कक्षा क्वथा दुने हे सिनाच्वंगु अवस्थाय् लुइकूगु खः ।
थौं सुथय् ९ बजे कक्षा क्वथा बन्द जुयाच्वंगुलिं स्कूलया शिक्षक व कर्मचारीतय्सं बल प्रयोग यानाः कक्षया खापा चायेकूगु जुयाच्वन। उगु इलय् इपिं निम्हं बेहोश अवस्थाय् लानाच्वंगु खः। निम्हेसितं तत्काल पन्तिया हे शिर मेमोरियल अस्पतालय् यंकूगु खःसां अन चिकित्सकतय्सं उमित मृत घोषणा याःगु खः ।
