उपसमिति स्थगित

येँ (सन्ध्या टाइम्स)/न्हूगु संविधानया विवादित विषयत ज्यंकेत थौं सुथय् च्वनेगु धयातःगु उपसमितिया बैठक स्थगित जूगु दु। नेकां नेता रामचन्द्र पौडेल उपस्थित मजूगुलिं बैठक स्थगित जूगु खः। थौंया बैठकय् खास यानाः राज्य पुनर्संरचना बारे सहलह ब्याकेगु ग्वसाः दुगु खः। बैठक न्ह्यः हे माओवादी व एमालें थःपिंलिसे राज्य पुनर्संरचना बारे सहलह मयाः धासें नेता पौडेल उपस्थित मजूगु खँ धाःगु दु। उपसमितिं राज्य पुनर्संरचना बारे मधेसवादी दल व कांग्रेसलिसे थौं सहलह ब्याकीगु जूगु दु ।