अन्तर्राष्ट्रिय बौद्ध भावना केन्द्रया न्हूधाः
येँ (सन्ध्या टाइम्स)/अन्तर्राष्ट्रिय बौद्ध भावना केन्द्रया २६ क्वःगु दँमुँज्या नकतिनि क्वचाल। केन्द्रया धर्मानुशासन भिक्षु ज्ञानपूर्णिक महास्थवीरं पञ्चशील प्रदान अध्यक्ष अमिता धाख्वाःया अध्यक्षताय् उगु ज्याझ्वः न्ह्याःगु खः ।
ज्याझ्वलय् छ्याञ्जे मोनिश बज्राचार्यं वार्षिक व कोषाध्यक्ष प्रेमकुमार शाक्यं आर्थिक प्रतिवेदन न्ह्यब्वयादीगु खः। थीथी उपसमितिया संयोजकपिं अनागारिका अग्गञाणी, अनागारिका विमलञाणी, शान्तमान शाक्य, लक्ष्मीबहादुर सिं, मोतिकाजी शाक्य व पूर्णलक्ष्मी बज्राचार्यपिंसं थःथःगु उपसमितिया प्रतिवेदन न्ह्यब्वयादिल ।
ज्याझ्वलय् धर्मानुशासक भिक्षु ज्ञानपूर्णिक महास्थविर, कर्मस्थानाचार्य सयादो उ. ञाणुज्जोताभिवंस महास्थविर व निर्देशक ञाणशीला गुरुमांपिंसं नं केन्द्र च्वन्ह्याकेया निंतिं ओवाद उपेदश बियाबिज्याःगु खः। संरक्षक रत्नमान शाक्य व सल्लाहकार प्रत्येकरत्न ताम्राकारपिंसं नं नुगःखँ तयादीगु खः ।
ज्याझ्वलय् समितिया न्हूधाः नं जुल। न्हूधाः कथं अध्यक्ष शान्तमान शाक्य, उपाध्यक्ष प्रकाशरत्न ताम्राकार, सचिव लाल डंगोल, कोषाध्यक्ष लक्ष्मीबहादुर सिं, सहसचिव काजीलाल डंगोल व दुजलय् बलराम वाद्यकार, नरेन्द्रराज शाक्य, मंगललाल अवाले, रत्नबहादलुर बज्राचार्य, मोतिकाजी शाक्य, रेमबहादुर ताम्राकार, चिनीशोभा शाक्य, नानी महर्जन, प्रेमकुमार शाक्यपिं ल्यःगु खः।
ज्याझ्वलय् उपाध्यक्ष मदनरत्न मानन्धरं सुभाय् बियादीगु खः ।
