सपथ ग्रहण अझ नं अन्यौल
येँ (सन्ध्या टाइम्स)/माओवादीं प्रस्तावित याःपिं मन्त्रीतय्त सपथ ग्रहण याकेत प्रधानमन्त्री झलनाथ खनाल तयार जुयादीसां थ्व सपथ गबलय् ग्रहण याकी धइगु खँ धाःसा थौं तकं स्पष्ट मजूनि ।
प्रम खनालं माओवादीया न्हूपिं मन्त्रीतय्त सपथ ग्रहण याकीगु जुल धकाः म्हिगः खँ पिहां वयेवं नेपाली कांग्रेस व एमाले दुने म्हिगःनिसें हे विरोध सुरु जुया वःगु खः। थुकिं यानाः सपथ ग्रहणया ज्या थौं तक नं अनिश्चित हे जुयाच्वंगु खँ सूत्रं धाःगु दु ।
सूत्रं धाः कथं आः वयाः प्रम खनालं माओवादीया फुक्कं मन्त्रीतय्सं बिउगु राजीनामा लित कायेमाः धकाः इनाप यानादीगु खःसा उकियात थ्व राजीनामा लित मकाःगु कारणं यानाः नं सपथ ग्रहणया ज्या अन्यौलय् लानाच्वंगु खँ धाःगु दु। माओवादीं धाःसा राजीनामा लित कायेगु जुइ मखु धाःगु दु ।
