पेस्तोल क्यनाः निम्ह मस्त अपहरण
येँ (सन्ध्या टाइम्स)/पर्वतया पीपलटारी गाविस वडा नं. ९ लय् छगू लाख तका दांया नितिं निम्ह मस्तय्त अपहरण याःगु दु। वंगु चान्हय् स्थानीय कृष्ण तिवारीया निम्ह म्ह्याय्पिंत अपरहण याना यंकूगु खः। थःगु छेँय् द्यनाच्वंपिं तिवारीया गुदँ दुम्ह नमुना तिवारी व न्हय्दँ दुम्ह नगिना तिवारीयात अपहरण याःगु खः ।
चान्हय् ११ बजे ख्वालय् नकाब पुनाः पेस्तोल सहित वःपिं अपहरणकारीतय्सं छगू लाख तका बीगुसा बिउ, मखुसा मस्तय्त थःपिंनापं यंके धकाः थः निम्हं म्ह्याय्पिंत अपहरण याना खँ तिवारीं धाःगु दु। तिवारीं अपहरणकारीतय्त निघौ लिपा ध्यबा बी धकाः धाःगु खःसां उमिसं मस्तय्त थःपिंलिसें तुं यंकूगु खः। उगु घटनायात कयाः प्रहरीं अनुसन्धान यानाच्वंगु दु ।
