ल्ह्वने सिधइन चित्तधरया छेँ

थौं स्वयां १०३ दँ न्ह्यः कविकेशरी चित्तधर ुह्दयु जन्म जूगु उगु ऐतिहासिक छेँ आः स्वस्वं हे न्हूगु जुया वल । भ्वाथः जुयाः थौं दुनी ला कन्हय् दुनी ला जुयाच्वंगु व छेँ आः क्वंनिसें न्हूधाः जुयाः न्हूगु स्वरुपय् वयेत्यंगु दु । छेँ वहे डिजायन वहे तर स्वयेबलय् न्हूगु । छेँ जीर्णोद्धारया िनंितं नेपालभाषा परिषद्पाखें भाला कयादीम्ह परि-षदया दुजः नवीन चित्रकारं कनादी कथं जीर्णोद्धारया ज्या ६० प्रतिशत क्वचायेधुंकल । बाँकी नं निलाया दुने पूवनीगु आशा दु ।

धाइ पुलांगु छेँ ल्ह्वनेगु धइगु न्हूगु दने सिबें थाकु । थुकी नं अथे हे जुल । शुरुइ दुनें दुनें जक दयेकेगु धकाः ग्वसाः ग्वयातःगु खःसां याना वंलिसे क्वंथ्यंकं थीमाःगु जुल । आः छेँ क्वंनिसें हे न्हूधाः जूगु दु ।
थुिकं यानाः उकिया ुकष्टि¨ु धाःसा भचा थहां वन । छेँ जीर्णो-द्धारया िनंितं भारत सरकारपाखें ५२ लाख तका ग्वाहालि वःगु खः । तर छेँया स्थिति व उकी वःगु समस्यायात ध्यानय् तयाः अप्वः जुइगु खर्च स्वीकार यायेगु सहमति जुइधुंकूगु दु ।

थ्व पुलांगु छेँ जक मखु छगू ऐतिहासिक व कन्हय् वनाः सम्पदा स्थल समेत जुइगु सम्भावना दुगु भवन खः । उिकं थुकिया उगु स्वरुप-यात नं ल्यंकाः बल्लाक छेँ धस्वाकेगु हाथ्या जीर्णोद्धारया ज्यायात दु । आः जुयाच्वंगु ज्या उकियात समेत ध्यानय् तयाः न्ह्यानाच्वंगु खः ।

छेँया अंगः दनेधुंकाः अंगलय् सिमेन्ट मपायेगु खँ धाःगु दु । उकिया पलेसा गोबर चा आदि ल्वाकछ्यानाः दयेकातःगु लियोन इलेगु ग्वसाः दु । थथे यायेबलय् ज्या छुं भचा ताःहाकः जुइफु ।

पुलांगु छेँया दकलय् च्वय्या तँ न्हापा चिजाः । मनू दने तकं मिछं । आः उकियात तजाः यानाः कम से कम मनू दने छिनी कथं स्वरुपय् भचा हिउपाः हइगु जुयाच्वंगु दु ।

जीर्णोद्धारया ज्या क्वचायेधुंकल कि वयां लिपा म्युजियम दयेकेगु मेगु चरण शुरु जुइगु खँ भाजु चित्रकारं कनादी । उगु छेँय् कवि ह्दयं थःगु जीवनय् छ्यलादीगु थीथी हलंज्वलं वसः लाकां तुतां वय्कलं च्वयादीगु सफूया पाण्डुलिपि सफू वय्कलं च्वयादीगु पौभाः किपा पौ आदि ब्वयेगु ग्वसाः दु ।

नेपालय् सुं नं साहित्यकारया छेँयात थुकथं म्युजियम दयेकाः संर-क्षण यायेत्यंगु थ्वहे न्हापांखुसी खः ।

More Stories Like this