मधेसवादीलिसे राज्य बारे वार्ता

येँ (सन्ध्या टाइम्स)/न्हूगु संविधान निर्माणय् विवाद जुयाच्वंगु राज्य पुनर्संरचनाया विषययात कयाः संविधानसभा संवैधानिक समिति अन्तर्गत गठित उपसमितिं मधेसवादी दललिसे वार्ता याइगु जूगु दु। फुक्क मधेस स्वायत्त प्रदेशया माग यानाच्वंपिं मधेसवादी दलतलिसे विशेष यानाः स्वायत्त मधेस प्रदेशया विषयय् वार्ता यायेत्यंगु खः। थौं सुथय् छुं ई च्वनाः स्थगित जूगु उपसमितिया बैठकं कंस मंगलवाः मधेसवादी दलतलिसे वार्ता यायेगु निर्णय याःगु खः। अथे हे उपसमितियात सक्रिय यायेगु नितिं कन्हय् हे संवैधानिक समितिया बैठक नं च्वनीगु जूगु दु ।

न्हूगु संविधानया नितिं विवादित जुयाच्वंगु विषय ज्यंकेत दयेकूगु उपसमितिया संयोजक एकीकृत माओवादीया अध्यक्ष प्रचण्ड खःसा आः संविधानसभाया ई लच्छि जक ल्यं दनिगु इलय् वयाः उपसमितियात सक्रिय यायेगु धकाः नेतात न्ह्याःवंगु दु ।