अस्थायी शिक्षकतय्सं संविधानसभा घेरे याइगु

येँ (सन्ध्या टाइम्स)/प्रक्रिया पूरा यानाः स्थायी यायेमाःगु माग यासें थौं अस्थायी शिक्षकतय्सं संविधान सभा घेराउ याइगु जूगु दु। चरण बद्धरुपं आन्दोलनय् कुहां वयाच्वंपिं अस्थायी शिक्षकतय्सं थौं सनिलय् २ बजेनिसें ४ बजे तक घेराउ याइगु ग्वसाः दु। अस्थायी शिक्षक आन्दोलन केन्द्रीय समितिं कन्हय् १० निसें १२ बजे तक शिक्षा मन्त्रालयया मूलुखाय् धर्ना बीगु खँ न्ह्यथंगु दु। थ्व धर्ना ज्याझ्वःयात न्हिं १/१ घण्टाया ल्याखं अप्वयेकाः २० गते न्हिछियंकं हे धर्ना च्वनेगु खँ धाःगु दु ।