चीनया सिनच्याङय् चक्कुं सुयाः खुम्हेसित स्यात
चीनया सिनच्याङ स्वायत्त प्रदेशय् लाःगु खासगर सहरय् निम्ह चक्कुधारीतय्सं अन्धाधुन्ध आक्रमण याःगु इलय् छम्ह चक्कुधारी नापं खुम्ह सीगु दु ।
निम्ह चक्कुधारीतय्सं सतकय् न्यासि वनाच्वंपिं लँजुवातय्त आक्रमण याये न्ह्यः छग: ट्रकयात बन्धक दयेकाः उगु हे ट्रकया ड्राइभरयात स्याना बिउगु खः । लिपा ट्रकं कुहांवयाः सतकय् जुयाच्वंपिं लँजुवातय्त अन्धाधुन्ध आक्रमण याःगु खः ।
आक्रमणय् लानाः प्यम्ह सर्वसाधारण सीगु खःसा लिपा सर्वसाधारणतय्सं हे अक्रमणकारीतय्त हमला यायेवं छम्ह अक्रमणकारी नं सीगु खः । मेम्ह आक्रमणकारीयात धाःसा प्रहरीं नियन्त्रणय् काःगु दु । स्थानीय प्रहरीतय्सं आक्रमणया बारे अनुसन्धान जुयाच्वंगु धासें छु कारणं आक्रमण याःगु धा:सा सीकेमफुनीगु खँ धाःगु दु ।
सरकारी अधिकारीतय्सं वंगु जुलाई १८य् प्रहरी चौकी हमलाय् सर्वसाधारण सीगु कारणं थुगु आक्रमण जूगु अनुमान याःगु दु । सरकारं उगु चौकी आक्रमणय् सिनच्याङया जनजति युगुर जातिया 'आतंककारी'तय्सं याःगु द्वपं बिउगु दुसाः सर्वसाधारणतय्सं धा:सा शान्तिपूर्ण प्रदर्शनय् प्रहरीं गोलीं कयेकूगु द्वपं बिउगु दु ।
सिनच्याङ प्रान्तय् वंगु छुं दँ निसें स्थानीय युगुर जनजाति व हान जातित दथुइया तनाव अप्वया वनाच्वंगु दु । सन् २००९स निगू जाति दथुइ जूगु तनावय् निसः मनूत सीगु खः ।
News Location:
More Stories Like this
चिकंया भाः कुहां वनाः ऋणात्मक बेलायतं चीनपाखें न्याःगु टेस्टिङ किटं ज्या मबिल बेलायतया प्रम बोरिस जोन्सन आइसीयूलय् अमेरिकाय् २ लाख ४० हजारतक सिइफुगु व्हाइट हाउसया अनुमान सामाजिक दूरी अवज्ञा याःपिन्त सिंगापुरय् खुलातक जेल
