बाखं दबूया न्यागूगु ल्याः विमोचन

बाखं दबूया न्यागूगु ल्याः छगू ज्याझ्वःया दथुइ नेपालभाषा एकेदमिया चान्सलर संस्कृतविद् सत्यमोहन जोशीं विमोचन यानादिल ।

नेपालभाषा बाखंया लागा च्वन्ह्याकेगु आज्जु तयाः नीस्वनातःगु बाखं दबूपाखें ग्वसाः ग्वःगु उगु ज्याझ्वलय् दबूया तातुना व गतिविधीया बारे कनादीगु खः । नीछम्ह मिसा बाखं च्वमित नापं मुक्कं ख्वीछम्ह बाखं च्वमिपिन्सं च्वयादीगु बांखत उगु सफूतिइ दुथ्यानाच्वंगु दु । मिसा च्वमिपिन्सं जक च्वयातःगु बाखंयात कयाः बाखं च्वमि नापं उपन्यासकार शशिकला मानन्धरं समीक्षा यानादीगु खः ।

बाखं दबूया प्रकाशनया बारे भाजु गोविन्दमान श्रेष्ठं जानकारी बियादीगु उगु ज्याझ्वलय् प्राज्ञ रीना तुलाधरं लसकुस यानादीगु खः । ज्याझ्वः बाखं दबूया नायः लक्ष्मण राजवंशीया सभाध्यक्षताय् जूगु खः ।

More Stories Like this