ट्रक व एबुलेन्स त्रिशुली कुतुंवन
येँ (सन्ध्या टाइम्स)/मुग्लिङ-नारायणघाट सतकया दारेचोकय् थौं सुथय् छगः ट्रक व एबुलेन्स ल्वानाः निगलं त्रिशुली खुसिइ कुतुंवंगु दु। उकी लानाः खुम्ह मनू घाःपाः जूगु दु ।
नारायणगढं येँय् वयाच्वंगु ना. ३ ख ६६०५ नम्बरया ट्रक व येँनं नारायणगढपाखे वनाच्वंगु स. १ च ६८२ नम्बरया एम्बुलेन्स ठक्कर नयाः निगलं सवारी साधन त्रिशुली खुसिइ कुतुंवंगु खः। दुर्घटनाय् लानाः निगलं गाडी क्षतविक्षत जूगु दु।
घाःपाः जूपिं स्वम्हेसित भरतपुर मेडिकल कलेजय् वासः याकातःगु दुसा मेपिंत गजुरी अस्पतालय् वासः याकातःगु दु ।
