'काइला बा'यात हन
यल (सन्ध्या टाइम्स)/नेपाल कम्युनिष्ट पार्टीया संस्थापक दुज सरह हे माने यानातःम्ह बरिष्ठ कम्युनिष्ट नेता देबेन्द्रलाल श्रेष्ठ काइला बा ८८ दँ फुगु लसताय् वय्कलं कम्युनिष्ट आन्दोलनय् यानादीगु योगदानया कदर यानाः थौं तःजिक हंगु दु। देबेन्द्रलाल श्रेष्ठ काइला बा जन अभिनन्दन समारोह समितिया ग्वसालय् यलया अशोक पार्टी प्यालेसय् अथे हनेज्या याःगु खः। काइला बायात एकीकृत माओवादीया अध्यक्ष प्रचण्डया मू पाहांसुइ अले नेपाल कम्युनिष्ट पार्टीया संस्थापक नरबहादुर कर्माचार्यया उपस्थितिइ वय्कःयात हनेत्यंगु खः। वय्कःयात नेवाः संस्कृति कथं सिन्हः तिकाः, स्वांमाः क्वखायेकाः अले दोसल्लां न्ययेकाः हनेगु खँ ग्वसाः खलकं धाःगु दु। थौंकन्हय् काइला बा म्हं मफयाच्वंगु दु। वय्कःया स्मरण शक्ति कमजोर जजुं वनाच्वंगु खँ धाःगु दु ।
