चीनय् रेल दुर्घटनाया दोषीयात सजाँय बिइगु

चीनया प्रधानमन्त्री वेन जिआवाओं छुं ई न्ह्यः जक द्रुतगतिया रेल सेवाया दुर्घटनाय् जिम्मेवार तायेकूिपंत कडा सजाँय बिइगु प्रतिज्ञा प्वंकूगु दु । वंगु शनिबाः स्वीगुम्ह मनूत सीगु खःसा निसः स्वयाः आपालं मनूत घाःपाः जूगु खः ।

उगु दुर्घटनाया कारण जनताय् तं पिज्वःगु दुसा द्रुतगतिया रेलसेवाया सुरक्षा बारे चिउताः पिज्वःगु खः । चीनया पूर्वी शहर वेनझोउया पिनेया भागय् जूगु दुर्घटना चीनया अप्वःगु द्रुतगतिया रेल साजालया नितिं थौंतक्कया हे दकले तःधंगु दुर्घटना कथं कायेगु याःगु खः ।

चीनियाँ जनमानसय् तसकं लोकंह्वाःम्ह प्रधानमन्त्री वेन बिहीबाः दुर्घटनास्थलपाखे वनाः तच्वःगु तंयात मत्थर यायेगु कुतः याःगु खः । वय्कलं उगु हे झ्वलय् सम्बाददातातय्त दुर्घटनाया जिम्मेवार व देय्या कानुन कथं नेतृत्वया जिम्मेवारी काःिपंत कडा सजाँय बिइगु बचं ब्यूगु खः ।

वेनं धयादिल - 'चीनया रेलवेसं गति गुणस्तर प्रभावकारिता व सुरक्षा फुक्क दयेमाः व सुरक्षा न्हापांगु थासय् वयेमाः । थ्व दुर्घटनां चीनं विश्वया दकले तःधंगु द्रुतगतिया रेल प्रणाली दयेकेगु अभियानय् चीनं प्यदँया सफलता प्राप्त याःगुलिइ सुरक्षायात धाःसा बेवास्ता याःगु धकाः न्ह्यसः थंगु दु ।'

चीनया राज्य नियन्त्रित साचार माध्यमं नं सरकारी बिचाःयात न्ह्यसः मथनेगु निर्देशनया बेवास्ता यासें दुर्घटनाया विस्तृत विवरण तसकं हे खुल्ला रुपय् न्ह्यब्वःगु खः । पिपुल्स डेलीया न्हापांगु पेजय् बिहीबाः छापय् याःगु टिप्पणीइ धयातःगु दु - ुचीनयात विकास माःगु दु तर रक्तरिाजत कूल गार्हस्थ उत्पादन मखु ।’

प्रधानमन्त्री वेनं दुर्घटनाया घाःपाः व पीडितया छेँजःतय्त नं नापलायेगु ज्याझ्वः दुगु सिन्ह्वा समाचार समिितं जानकारी ब्यूगु खः । थ्वहे दथुइ द्रुतगतिया रेलया सङ्केत बिइगु उपकरणया डिजाइन याःगु चीनियाँ कम्पनीं नं उपकरणय् खराबी स्वीकार यासें बिहीबाः क्षमा याचना याःगु खः ।

More Stories Like this