नेवाः प्रेस दबूया सहलह
य ल(सन्ध्या टाइम्स)/नेवाः प्रेस दबू नेपाःया ग्वसालय् केन्द्र व शाखा दथुइ भेला व प्रशिक्षण ज्याझ्वः जुल। ज्याझ्वलय् नेपालभाषा, साहित्य संस्कृति व पत्रकारिता विकासया लागिं न्हूकथं न्ह्याः वनेगु खँय् सहलह जूगु खः ।
येँ, यल व ख्वपया प्रतिनिधितय्सं ब्वति काःगु उगु केन्द्रीय भेलाय् नेवाः प्रेस दबू येँ जिल्लाया नायः सुगतरत्न सिन्दुराकारं नेवाः पत्रकारतय्सं राजनीतिक समीक्षा याये मसःगु खँयात कयाः कुंखिनादिल। यल कचाया नायः सुविन श्रेष्ठं पार्टी राजनीति स्वयां अलग्ग पत्रपत्रिकात नं म्वाये मफइगु स्थिति वःगु खँ कनादिल। ख्वप कचाया नायः कृष्ण प्रजापतिं प्रेस दबूया मू उद्देश्य व ज्याझ्वः स्पष्ट जुल धाःसा गन गुकथं छु यायेफइ धइगु स्पष्ट जुइ धयादिल ।
नेवाः प्रेस दबूया केन्द्रीय नायः नरेन्द्र श्रेष्ठया सभापतित्वय् जूगु उगु ज्याझ्वलय् सल्लाहकार सुरेश खड्गीं भावी संगठनात्मक संरचनाया प्रस्ताव न्ह्यब्वयादीगु खःसा उकियात कयाः बिचाः तयेगु ज्या जूगु खः ।
