नेवाः महागुथिया दँमुँज्या

येँ (सन्ध्या टाइम्स)/नेवाः महागुथि नेपाः झिंन्यादँय् क्यंगु लसताय् थनया बुरांख्यलय् च्वंगु प्राकृतिक चिकित्सा केन्द्रय् दँमुँज्या जुल। महागुथिया नायः डा. देवरत्न कंसाकारया सभापतित्वय् जूगु उगु ज्याझ्वलय् शंकरमान तुलाधर मूपाहां कथं झाःगु खः। सकस्यां सकसितं भिंतुना बिसें न्ह्याःगु उगु ज्याझ्वलय् आः वइगु दिनय् महागुथिं नेवाःतय् लागिं छु छु बांलाःगु ज्या याना वंसा पाय्छि जुइ धइगु विषयय् बिचाः प्वंकेगु ज्या जूगु खः। ज्याझ्वलय् महागुथिया सकलें मूदुजः व सल्लाहकारतय्सं ब्वति काःगु खः ।