तातोपानी वनेगु लँ खुन्हु न्ह्यवंनिसें ठप्प

येँ (सन्ध्या टाइम्स)/सिन्धुपाल्चोकया बाह्रबिसेनिसें तातोपानी तकया २६ थासय् चलः वनाः खुन्हु न्ह्यवंनिसें यातायात बन्द जुयाच्वंगु दु। चीननापया व्यापारिक नाका तातोपानी स्वाइगु उगु लँय् यातायात चले मजुयाः सलंसः विदेशी पर्यटक व मालवाहक लँया दथु दथुइ अलपत्र जुयाच्वंगु दु। मदिक्क वा वयाः थाय् थासय् चलः वनाः उगु लँ बन्द जूगु खः। लँ बन्द जुयाः न्हिं करोडौंया राजश्व नं ठप्प जूगु दु ।