स्वंगू ल्वाभः सहित छम्हेसित ज्वन

येँ (सन्ध्या टाइम्स)/सर्लाहीया मिलनचोकय् थौं सुथय् स्वंगू ल्वाभः व ७ राउण्ड गोली सहित छम्हेसित ज्वंगु दु। अनया हरिऔन इलाका प्रहरी कार्यालयपाखें गस्तीइ वंगु प्रहरी पुचलं वयात ज्वंगु खः। निपु नलकटुवा बन्दुक, छपु अटोमेटिक पेस्तोल व उकी तयेगु ७ राउण्ड गोली नापं सुदामा गाविस वडा नं. ६ या मोहनसिंहयात ज्वंगु खः। छम्ह हे मनुखं थुलिमछि ल्वाभः ज्वना वःगुलिं वयागु स्वापू थीथी कथंया आपराधिक घटनाय् दयेमाः धकाः प्रहरीं अनुमान याःगु दु ।