बस व ट्रिपर ल्वानाः २१ म्ह यात्रु घाःपाः
येँ (सन्ध्या टाइम्स)/विदुर नगरपालिका वडा नं. ५ माझीटारय् थौं सुथय् बस व ट्रिपर ठक्कर नयाः २१ म्ह घाःपाः जूगु दु। देवीघाटं यात्रु ज्वनाः त्रिशुलीपाखे वनाच्वंगु बा. १ ख ५४२४ नम्बरया बस व विदुरपाखें रातमाटे वनाच्वंगु बा. २ ख ७५२५ नम्बरया ट्रिपर ठक्कर नयाः बसय् च्वनावःपिं फुक्क हे यात्रु घाःपाः जूगु खः। घाःपाः जूपिंत बट्टारया पञ्चकन्या अस्पताल व जिल्ला अस्पताल त्रिशुलीइ वासः याकाच्वंगु दु। इमिगु अवस्था सामान्य जूगु खँ प्रहरीं धाःगु दु। ट्रिपरया चालक धाःसा बिसिउँ वंगु दु ।
