प्रहरी-विद्यार्थी ल्वापु

येँ (सन्ध्या टाइम्स)/सुदूरपश्चिमय् विश्वविद्यालय स्थापना यायेत बजेट माग यासें जूगु प्रदर्शनय् प्रहरी व विद्यार्थी ल्वापु जुयाः १२ म्ह विद्यार्थी घाःपाः जूगु दु। थौं सुथय् कञ्चनपुरया सीडीओ न्ह्यःने प्रदर्शन जूथाय् उगु ल्वापु जूगु खः। भिमदत्तनगरया सिद्धनाथ क्याम्पसं जुलुसनापं वंपिं विद्यार्थीत जिल्ला प्रशासन कार्यालय् दुहां वनेत्यंगु इलय् ल्वापु जूगु खः। बजेटय् विश्वविद्यालयया बारे छुं नं उल्लेख मयाःगुलिं छवाः न्ह्यःनिसें प्रदर्शन याना वयाच्वंगु खः ।