लिपि विकासय् लिपि गुथि

नेपाल लिपि गुथि छगू नेपाल लिपि विकास यायेगु ताः तयाः स्वीदँ न्ह्यः पलिस्था जूगु संस्था खः । जः विकाशानन्दया अग्रसरताय् शुरु याःगु थुगु संस्थां थौंकन्हय् देश विदेशय् तकं नेपाल लिपिया प्रचार प्रसार यायेगु ज्या न्ह्याकाच्वंगु दु । आः हे नं कालिम्पोङ दार्जिलिङ सिक्किम नापं उत्तर भारतया थीथी थासय् नेपाल लिपि स्यनेगु ज्या न्ह्याकाः गुिथं लिपिया विस्तार यानाच्वंगु दु ।

नेपाल लिपि गुथिया स्वीदँ बुिदं हनाच्वंगु पाः लाक्क हे छम्ह लिपि गुरु सुर्खेत वंगु दु । थुकथं देशया थीथी जिल्लाय् नेवाः व गैर नेवाःतय्त नेपाल लिपि स्यनाः थ्व लिपि नेपाःया गौरवं जाःगु मौलिक लिपि खः धइगु खँ जनमानसय् थ्यंकेत नेपाल लिपि गुिथं माक्व ज्या यानाच्वंगु दु । लिपि गुिथं थःगु हे प्यतँजाःगु छेँ धस्वाकाः छगू ल्याखं सम्पन्न संस्थाया धलखय् थःत दुथ्याकूगु दु । गुथिया नामय् च्यागू लाख तकाया ला अक्षय कोष हे दु गुिकं लिपि सम्बन्धी थीथी सिरपाः बीगु व लिपि च्वज्या कासात याना वयाच्वंगु दु ।

लिपि गुथिया पुलांम्ह नायः व प्राज्ञ शरद कसाःया कथं थ्व छगू न्ह्यानाच्वंगु खुसि खः । भाषा- थुवाः प्रेमबहादुर कसाःया प्याःछ्यिलं शुरु जूगु गुथिया आः येँया त्यःर साःननीइ प्यतँजाःगु थःगु हे भवन दु । उकियात आः गुिथं लिपि अनुसन्धान यायेगु पिनें वईपं पाहांिपं च्वनेगु गेष्ट हाउस दयेकेगु लिपि बारे स्यनेकने यायेगु पूर्ण स्वरुप बीगु ताः तयातःगु दु ।

गुिथं स्वनिगः दुने लछि तकया लिपि कक्षा कयाः ग्वाहालि याईपंत द्वःछि स्वनिगलं पिने लिपि कक्षा चले याईपंत अन हे नये त्वने व च्वनेगु व्यवस्था यानाः न्याद्वः व देशं पिने वनीिपंत वये-वने यातायात खर्च अन च्वंतलेया लािगं माःगु व्यवस्था नापं झिद्वः तका पारिश्रमिक तकं बीगु व्यवस्था यानातःगु दु । थ्व ल्याखं लिपि सम्बन्धी ज्यायात छगू कथंया व्यावसायिक रुप बीगु अभियानय् लिपि गुथि दु ।

More Stories Like this