देहरादुनय् सीपिं न्याम्ह नेपाःमिया लाश वल
येँ (सन्ध्या टाइम्स)/म्हिगः न्हिनय् भारतया देहरादुन लिक्क बसय् हाइटेन्सन प्रशारण लाइनय् करेण्टं ज्वनाः सीपिं न्याम्ह नेपाःमितय् सीम्ह भारतीय प्रहरीं थौं सुथय् कञ्चनपुरया गड्डाचौकीयात लःल्हाःगु दु। इलाका प्रहरी कार्यालय गड्डाचौकीया रोहवरय् सीपिनि छेँजःपिंत सीम्ह लःल्हाःगु खः। भारतया हिमाञ्चल प्रदेशया शिमला लागाय् नेपाःया ल्याय्म्हत च्वनावंगु बसय् करेन्टं ज्वनाः न्याम्ह घटनास्थलय् हे सीगु खः। इलाका प्रहरीं बिउगु जानकारी कथं सीपिं कैलालीया २३ दँ दुम्ह सुखराम चौधरी, हसुलिया गाविसया ३० दँ दुम्ह बमबहादुर चौधरी, सल्यान काल्चे गाविसया २३ दँ दुम्ह धनबहादुर खत्री, कैलाली मसुरिया गाविसया १७ दँ दुम्ह मनोज चौधरी व जाजरकोटया २२ दँ दुम्ह शेरबहादुर अधिकारी ख। छम्हेसित करेन्टं ज्वनेवं बचे यायेत वंपिं मेपिं नं करेन्टं ज्वनाः सीगु खः ।
