नेपाः पार्टीया मिसा कवः स्वन
येँ (सन्ध्या टाइम्स)/नेपाः राष्ट्रिय पार्टीया न्वकु सुवर्ण केशरी चित्रकारया अध्यक्षताय् पार्टीया मिसा कवः नीस्वंगु दु। नेवाः मिसातय्त राजनैतिक रुपं संगठित यायेगु आज्जु ज्वनाः नीस्वंगु उगु कवःया नां 'नेवाः मिसा न्ह्यलुवा' तःगु दु। कवलय् गौरी श्रेष्ठ न्वकु व रश्मिला प्रजापति मूछ्यांज्ये कथं च्वनादीगु दु ।
कवःया दुजलय् पद्मिनी श्रेष्ठ, रत्ना चित्रकार, कस्तुरी श्रेष्ठ, रचना चित्रकार, शीला साय्मि, शोभा महर्जन, सुमित्रा पलाञ्चोकी, मिनेश्वरी श्रेष्ठ, सृजना श्रेष्ठ, सिरपाः तुलाधर, प्रफुल्ल तुलाधर, अञ्जना महर्जन, अनिला श्रेष्ठ व अन्जना शाक्य च्वनादीगु दु ।
कवलं आः वइगु बिहीवाः प्रशिक्षण ज्याझ्वः याइगु ग्वसाः दुसा उकिया निंतिं कीर्ति तुलाधरयात संयोजक ल्यःगु दु ।
