जगतसुन्दरय् बुदोशिन कराँते
येँ (सन्ध्या टाइम्स)/जगत सुन्दर ब्वनेकुथिया ग्वसालय् व बुदोशिन कराँते क्लब नेपालया केन्द्रीय महासचिव व संयोजक किरण तुलाधरया नेतृत्वय् न्हापांगु अन्तर बुदोशिन कराँते स्कूल च्याम्पियनसिप जुल ।
वंगु शनिवाः ब्वनेकुथिया प्रिन्सिपल माया मानन्धरं उलेज्या यानादीगु ज्याझ्वलय् मूपाहां वातावरणमन्त्री सुनिल मानन्धरं विजयी कासामिपिंत पदक व दसिपौ लःल्हानादीगु खः। ब्वने कुथिया संस्थापक प्रिन्सिपल रत्नदेवी कंसाकार, योगेन्द्र श्रेष्ठ, सुरेन्द्र नकर्मि, सुनिल नकर्मि, सूर्य महर्जन, बसुन्धरा कंसाकार, चन्द बज्राचार्य व स्कूलया शिक्षक, शिक्षिकापिं, कराँते संघया पदाधिकारीपिं नं उपस्थित जुयादीगु खः ।
ज्याझ्वलय् मुक्कं झिगू स्कूलं ब्वति काःगु खःसा मिजंपाखें सन्तोष लामा व मिसातय्पाखे कृति मगर उत्कृष्ट कासामि जुयादीगु खःसा ब्वति काःगु स्कूलत मध्ये जगतसुन्दर ब्वनेकुथि न्हाप लाःगु खः ।
