गथे याना नेवा: धाये ?

आकृति

थःगु भाय् ल्हाये म‌फयेक चम्य ज्वना तै तःबलय् नं
नेवाः धकाः म्हसीका बिइ मफयेक
थःगु कला - संस्कृति , तजिलजि चकंके मखंक
हाकु काप: लं त्वपुइका तै तःबलय् नं
वाः मचाःम्ह हे नेवा:
छन्त गथे याना: नेवा: धाये?

मांयागु मिखाय् ख्वबि ब्वलंगु खंका नं
मिखा तिसिना भाय् याना च्वनीम्ह
थःगु नां बिउम्हेसित च्यूताः मतइम्ह
मांयागु त्याग,
मांयागु मतिनाया त्यासा पुलेगु कुत: मयाइम्ह
मांयात मतिना, सुसाः यायेत
फ्यासु पह: अले त्यानु पह: वयेका च्वनीम्ह
हे नेवा:
धाथें छंत गथे याना नेवा: धाये ?

More Stories Like this