सडकछाप

जःथि बरे

थुइक † गज्याःगु शब्द न्ववाये लाःगु का । थम्हं सडकछाप धयागु खँ आः थःत हे धकाःसा लाः वल । जनतां धायेगु जक याः नेतातय्सं यानाः राजनीति धइगु हे फोहोरी कासा जुल धकाः । गथे धाल अथे हे जुल मखुला मांच्वःसा जि जक जिउसा थ्व राजनीति धाःगु त्वःताः सन्यासी हे जुइ मास्ति वल का । छु याये लत लगे जुल त्वःतां त्वःते हे फुगु मखु । बेइमान थ्व फुक्कं ला वहे झलनाथचां यानाः जूगु नि । थः चीन चाःहिउ वनेमालाः माओवादीं कटुवालयात चीकुसां जिमिगु पुरा समर्थन दु धाल आः वयाः हाकनं पार्टीया निर्णय कथं समर्थन मदु धाःबलय् जि ला छुयाये छुयाये का । पार्टीया नायलं हे समर्थन दु धाःगुिलं पार्टी दुने नं छम्ह निम्ह सडकछापतय्गु हाबी जुयाच्वंगु दु धकाः भाषण मुइका बिया आः वयाः वहे सडकछापतय्सं मुइकाच्वने मालका । नेता धाःिपं ला ज्या हे लगे मजूिपं कवाडी म्हुतुप्वाः हे न्हाय्प्वाः थें निप्वाः दु धाःगुला धाथें हे खः खिनं का । जि न्हापा नं गृहमन्त्रि छक्वः जुइ धुनागुिलं हाकनं जुइ मास्ति वया जुयागु बेकार हे का । थःगु रेकर्ड हे त्वाःथले मफु छु याये । बरु राजनीति स्वयां ला खेलकूद हे जिउ थें च्वं । खेलकूदय् जूसा मेिपंसं यानातःगु रेकर्ड त्वाःथलाः थःिपंसं रेकर्ड तयेदइ ।

माओवादीया सरकारय् निदँ स्वदँति गृहमन्त्रि जुयाः न्हापा जुयाच्वंिपं गृहमन्त्रीतय्गु रेकर्ड बे्रक याये धयां ला गनं गनं दुर्घटना जुयाः खेल हे खतम का । माओवादीया मन्त्रीत नं ल्वःिपं जनतां गज्याःगु विश्वास यानाः संविधान दयेकी धकाः छ्वया हलं खालि म्वाःमदुगु ज्या जक यानाः । माःगु ला का निला स्वलां ला कटवाल थः हे प्रधानसेनापति पदं मुक्त जुइगु सीकं सीकं आः हे पदमुक्त याये माःगु ला देय्न्यंकं आन्दोलन जुयाच्वंगु दु । बजाः भाः थहां वनाः गरिबत द्यांलानाच्वने माःगु मत मदयाः खिउँसे च्वंकाः च्वनेमाःगु लः भचा त्वनेया िनंितं इपांथिपा मदयेक ब्वाँय् ब्वाँय् जुइमाःगु थज्याःगु ज्याय् िनं ध्यान मतःसें वयातं थ्वयातं सरुवा यायेगु थः मनू धालिकं मिखा तििसंनाः भर्ति यायेगु सेनापतियात अवकाश बीकेगु माःगु ज्या ला वः उमिसं यानाः जिगु म्हगस नापं चकनाचुर का । हाकनं व कांगे्रसयािपं नेतात स्व ४६ सालया जनआन्दोलन लिपा उलिमिछं सरकार चले याये धुंकल देश व जनताया िनंितं छुं यायेगु हिम्मत दुगु मखु । कांगे्रस कार्यकालय् मन्त्री जूिपं नेतात करोडौं अर्बोपति जुयाः मोजमस्ति यायेधुंकल । आः माओवादीया सरकारं बांलाःगु ज्या यानाः जनतां ययेकी न्हापायािपं मन्त्रीतय्गु जातः प्वली धकाः ग्यानाः वयातं थ्वयातं भोल्ट तयाः सरकार क्वःथलाः हे त्वःतल । जिगु हे पार्टी एमालें कांगे्रसया लिउलिउ छाय् जुयाच्वंगु खः िजं हे मसिउ । न्हापा एमालें सरकार चले याना च्वंबलय् ९ महिना लिपा हे सरकार क्वःथःगु ल्वःमन जुइ का माधव चिया । उबलय् वहे ला खनी उपप्रधानमन्त्री जुयाच्वंम्ह । माओवादी जंगलं वयाः सहरय् च्वंिपं कांगे्रस व एमालेया थज्याःगु हविगत जुइधुंकल अय् नं नेतातय्सं वाचाःगु मखु ।

जि नं एमालेया हे नेता लात छु याये । छुं भतिचा बांमलाक धायेबलय् नं जितः हे लाःवइगु । अय्नं सह यानां याये मजिउगु खँ छता निता ला धाये हे माल नि मखुला एमालें माओवादी सरकारयात ग्वाहालि मयायेगु खःसा न्हापा हे प्रधानसेनापतिया मामिला जिमिगु सहमति मदु धया बिउगुसा थज्याःगु अनिष्ट ला जुइ मखु । छिमिसं यायेत्यंगु ज्यायात जिमिगुपाखें नं सहमति दु धयाः आः जानःगु म्हुतुं घाँय् नःवन । जि नं ल्वःम्ह । थःगु हे पार्टीया नेतातय्त सडकछाप धाये लात आः क्या फसाद का †

न्ह्यागु हे थजुइमा माओवादीया सरकारय् ८÷९ महिना उप-प्रधानमन्त्री नापं गृहमन्त्री जुइ हे धुन । जितः सडकछाप जुइ मयः । िजं नं ला न्हापा गृहमन्त्री जुयाबलय् प्रहरी महानिरीक्षकयात थथे हे घोत्रेुठ्याँक यानागु नि । उलि नं याये मदुसा प्रधानमन्त्री मन्त्री हे छाय् जुइगु थः एमालेया नेता जुयां नं माओवादीयात समर्थन यात धाइ । अथे मखु खँ ला अन्तरिम संविधान कथं ज्या याईपं न्ह्यागु पार्टीयात नं वामदेवं समर्थन याइ । छु याये थःगु पार्टीं सरकार चले याःसा थ्व वामदेवया नाम निशाना तकं काइ । मखु । बरु माओवादी नायः प्रचण्डं नां काल । चुनाव लिपा माओवादीं सरकार चले याइन धकाः गिरिजा बाबुं प्रम पद त्वःतेत गुलि आलताल यात । आः वहे प्रचण्डं थःगु इज्जत व मानमर्यादा स्वयां प्रमया पद तःधं मजू धकाः राजीनामा हे बिल । अज्याःम्ह लोकपि्रयम्ह भाजुयात समर्थन मयासें धेताहातय्त समर्थन याः जुइ ला अथे जुइमाः का नेता धईपं प्रचण्ड जु छिगु जय जुइमा छि प्रधानमन्त्री जुइबलय् जि न्ह्याब्लें उप-प्रधानमन्त्री जुइ दयेमा ।

More Stories Like this

जातीय संघीयताया खँय् नेमकिपा
प्राडो, पाजेरो ब्वाकेगु ख्यः मखु
राष्ट्रपति प्रणाली बारे विवाद
नेवाःतय्त जागृत याइगु 'नेपाःमिया नुगः सः'
खँ स्वनिगःया