आदिवासी दिवसया थीथी ज्याझ्वः

येँ (सन्ध्या टाइम्स)/थ्वहे वइगु २४ गते विश्व आदिवासी दिवस तःजिक हनेत नेपाल आदिवासी जनजाति महासंघं थौं छगू पत्रकार सम्मेलन यासें थीथी ज्याझ्वः घोषणा यात। विश्व आदिवासी दिवसया लसताय् अगष्ट ९ अर्थात श्रावण २४ गते सांस्कृतिक झाँकी नापं तःजिक र्‍याली पिकयाः राष्ट्रिय सभागृहय् मूल ज्याझ्वः याइगु ग्वसाः दु। थनिंनिसें २३ गते तक थीथी प्रचारात्मक ज्याझ्वःनिसें अन्तर्त्रिया नं याइगु जूगु दु। अथे हे २३ गते नसंचा हुलेगु ज्याझ्वः दुसा थ्वहे दथुइ थीथी राजनीतिक दल, प्रधानमन्त्री, सभामुखयात ज्ञापनपत्र लःल्हाइगु ग्वसाः दु ।