नगरपालिकाय् थेच्व दुथ्याकेत ज्ञापन
यल (सन्ध्या टाइम्स)/सरकारं घोषणा याःगु चम्पापुर नगरपालिकाय् नेवाःतय्गु बस्ती थेच्वयात नं दुथ्याकेमाः धइगु माग यासें थौं थेच्वया गाविस स्तरीय सर्वदलीय समिति व नागरिक समाजं जिल्ला विकास समितिइ ज्ञापन पौ लःल्हायेत्यंगु दु ।
म्हिगः थेच्व गाविस सर्वदलीय समितिं थौं जिल्ला विकास समितिइ ज्ञापनपत्र लःल्हायेगु निर्णय याःगु खः। अथे हे थेच्व नागरिक समाजं नं ज्ञापनपत्र लःल्हायेगु निर्णय यानातये धुंकूगु दु। नगरपालिका यायेत पूर्वाधार दुगु अवस्थाय् नं नेवाःतय् ऐतिहासिक बस्ती थेच्वयात नगरपालिकाय् दुमथ्याकूगुलिं स्थानीय नेता व नागरिक समाजं आपत्ति प्वंकुसें याकनं थेच्वयात नगरपालिकाय् दुथ्याकेमाः धकाः माग यानाः ज्ञापन पौ लःल्हायेत्यंगु खः ।
