थौं मंकाः संघर्ष समितिया सहलह
येँ (सन्ध्या टाइम्स)/नेवाः स्वायत्त राज्य मंकाः संघर्ष समिति अन्तर्गत स्वनिगःया थीथी लागायात गुकथं सक्रिय यायेगु नापं वइगु २३ गते जुइगु नेवाःतय्गु तःजिगु ज्याझ्वः गुकथं ताःलाकेगु धइगु विषयय् सहलह ब्याकेत थौं समितिया बैठक च्वनेत्यंगु दु। ज्याझ्वलय् मंकाः संघर्ष समितिया न्ह्यलुवापिं नापं दुजःपिं व मंकाः संघर्ष समितिया थीथी लागाया प्रतिनिधितय्सं ब्वति कयादी ।
