नर्वेय् हिंसात्मक घटनाय् ९१ म्ह मन्त

नर्बेय् जूगु निगू ब्यागलं ब्यागलं हिंशात्मक घटनाय् लानाः सीपिनिगु ल्याः गुइछम्ह थ्यंगु दु । उटोइया द्विपय् प्रहरीया वसतय् दुगु छम्ह मनुखं लेबर पार्टीया युवा क्याम्पय् ब्वति कयाः च्वंपिनिगु दथुइ अन्धाधुन्ध गोली कयेकाः सीपिनिगु ल्याः गुइछम्ह थ्यंगु बीबीसीं जानकारी ब्यूगु खः ।

थःत नर्बेया हे नागरिक धकाः धाःम्ह आन्द्रे बेहिरंग बि्रविक नांया हमलाकारी मनूयात धाःसा प्रहरीं नियन्त्रणय् काःगु दुसा उम्ह मनू छु नं पुचलय् आबद्ध दु वा मदु धइगु प्रष्ट जूगु मदुनि ।

थ्व स्वयाः न्ह्यः राजधानी ओस्लोसं च्वंगु प्रधानमन्त्रीया निबास न्ह्यःने बम बिष्फोट जुयाः न्ह्यम्ह मनू सीगु खः । विष्फोटपाखें प्रधानमन्त्री निबासया खाः नापं तज्याःगु खः ।

नर्बेया प्रधानमन्त्री स्टाल्टनबर्गं घटनायात कायरतापूर्ण आक्रमणया संज्ञा ब्यूसें थुकियात लोकतन्त्र दथुइया हे हमला जूगु जानकारी ब्यूगु खः । नर्वेय् थ्व निगूगु विश्वयुद्धलिपाया हिंस्रक घटनाया रुपय् चित्रित याःगु दु ।

More Stories Like this