अमेरिकाय् ऋण संकट ज्यंकेगु सहलह निश्कर्षविहीन

अमेरिकाय् ऋण संकट ज्यंकेगु व वित्तीय घाटा म्हो यायेगु विषयसं सत्तारुढ डेमोक्रेटिक पार्टी व विपक्षी रिपब्लिकन पार्टीदथुइया वार्ता बिना लिच्वः क्वचाःगु दु । रिपब्लिकन पार्टीया नेता जोन बोइनरं वार्तापाखें थः ब्यागलं च्वनागु घोषणा याःगु दु ।

सरकारं कर बढोत्तरीया विकल्पय् बहः बियाच्वंसां नं सरकारी खर्चय् कटौती थेंज्याःगु थाकूगु पलाः ल्ह्वनेत सरकार ताःमलाःगु द्वपं वय्कःया खः । तर राष्ट्रपति बाराक ओबामां विपक्षी नेता बोइनरं करया दरय् बढोत्तरी व सरकारी खर्चय् कटौती सम्बन्धी सरकारया प्रस्ताव छाय् अस्वीकार यात धइगु न्ह्यः थनादीगु खः ।

ओबामां आः हाकनं बोइनर लिसेया दुजःया बैठकय् सरकारलिसे दुगु विकल्पया बिषयसं सहलह याइगु जूगु दु । अर्थशास्त्रीतय्गु कथं वइगु अगष्टतक्क अमेरिकां ऋण भुक्तान मयाःसा राष्ट्रिय व अन्तर्राष्ट्रिय क्षेत्रय् थुकिया नकारात्मक लिच्वः लाइगु जूगु दु ।

More Stories Like this