थौं वीपीया २९ क्वःगु लुमंति दिवस
येँ (सन्ध्या टाइम्स)/ नेपाःया न्हापांम्ह जननिर्वाचित प्रधानमन्त्री बीपी कोइरालाया थौं २९ क्वःगु लुमंतिइ नेपाली कांग्रेसं थीथी ज्याझ्वः देय्न्यंकं हनाच्वंगु दु। १९७२ भदौ २४ गते भारतया वनारसय् जन्म जूम्ह कोइराला २०३९ साउन ६ गते थौंया हे दिनय् मदुगु खः। प्रजातान्त्रिक आन्दोलनया न्ह्यलुवा कोइरालां प्रतिपाद यानादीगु समाजवादी प्रजातन्त्रयात कांग्रेसं थःगु मूल सिद्धान्तया रुपय् नाला वयाच्वंगु दु। कोइराला नेपाली कांग्रेसया सभापति जुयाः तकं ज्या यानादीम्ह खः। वय्कःया आपालं साहित्यिक कृतित नं पिदनाच्वंगु दु ।
