गृहमन्त्री महरा थिम्पु मवनीगु

येँ (सन्ध्या टाइम्स)/पार्टीं गुगुं नं इलय् सरकारपाखें लित सःतेफुगुलिं उपप्रधान नापं गृहमन्त्री कृष्णबहादुर महरां भुटानया राजधानी थिम्पु वनेगु ज्याझ्वः स्थगित यानादीगु दु। सार्क गृहमन्त्री स्तरीय बैठकय् वनेगु ज्याझ्वः तयार यानातःगु खःसां एकीकृत माओवादीपाखें थःत गुगु नं इलय् लित सःताः न्हूपिं मन्त्री छ्वयेफुगु सम्भावनायात ध्यानय् तयाः वय्कलं कन्हय् थिम्पु वनेगु ज्याझ्वः थौं वयाः स्थगित यानादीगु खः। वय्कःया प्रेस संयोजक मनोज मगरं कनादी कथं मन्त्री महराया भ्रमणया सकतां तयारी पूरा जुइधुंकूगु खः ।